Во Собранието денеска седници ќе одржат комисиите за политички систем и односи меѓу заедниците, за финансирање и буџет, како и Законодавно-правната комисија.
На дневниот ред на Комисијата за политички систем и односи меѓу заедниците е Предлог-одлуката за одржување јавна расправа по Предлог-законот за јавното обвинителство.
Комисијата за финансирање и буџет ќе расправа за Предлог-законот за изменување и дополнување на Законот за данокот на додадена вредност, како и за Предлог-законот за изменување на Законот за данокот на добивка, двата во прво читање.
По овие два предлог-закона ќе дискутираат и членовите на Законодавно-правната комисија.