МВР официјално потврди дека е уапсен екс првиот вицепремиер од владата на СДСМ и ДУИ, Артан Груби, во 06 часот и 10 минути, на Граничниот Премин Блаце.
Од затворот „Скопје“ во Шутка, за САКАМДАКАЖАМ изјавиле дека пред задолжителниот лекарски преглед, Груби бил прашан дали од некого од притворените не се чувствува безбедно, на што одговорил дека не се чувствува.
– На конкретно прашање од кого, тој ни кажа дека практично од сите, бидејќи како што рече, ‘и сами гледате, сè е против мене и сите се против мене’. На дополнително прашање тој наведе дека е небезбеден од некои лица етнички Албанци за кои имал сознанија дека се во притвор во овој затвор, па ставен е со цимер Македонец. Други лица нема да има во таа просторија“, велат за САКАМДАКАЖАМ извори од затворот.
-Денеска (23.02.2026) во 06:10 часот на Граничниот премин Блаце, на влез во државата, од слобода е лишен Артан Груби (48), кој беше баран со меѓународна потерница за истрага за сторено кривично дело по чл.354 ст.5 в.в. ст.3 в.в ст.1 в.в со чл.22. од КЗ, велат од МВР.
Артан Груби се гони за проневера во служба“ во Државна лотарија, каде заедно со Перпарим Бајрами се осомничени за сторен криминал од 8 милиони евра преку нарачка на ВЛТ апарати.