Силно невреме проследено со бурни ветрови и обилни дождови предизвика вистински хаос во крајбрежните делови на Хрватска. Комбинацијата од низок воздушен притисок и силен јужен ветер доведе до голема циклонска плима, која ги поплави Каштела, Тисно, Цриквеница и други делови на Далмација.
Снимките кои кружат во регионот се застрашувачки — морето ги претвори шеталиштата во реки, достигнувајќи ги праговите на зградите.
„Морските галеби се нафрлија на крајбрежјето и го потопија. За среќа, јужниот ветер ослабе, но сè уште дува силно и врне“, вели жител на Цриквеница за хрватските медиуми.
Поморскиот сообраќај е во целосен прекин. Десетици линии за катамарани и фериботи кон Сплит, Задар, Риека и Дубровник се суспендирани. Синоптичарите најавуваат дека од вечерва студениот бран ќе го претвори дождот во снег, а во планините се очекува формирање на снежна покривка над 10 сантиметри.