Вистинска драма се одвивала вчера на скијачките терени на Попова Шапка. 24-годишниот Ф.М.Л. од Данска бил повреден откако го зафатила снежна лавина додека скијал. Среќата била на негова страна кога специјализирана екипа со соодветно возило успеала да го лоцира и да го извлече од снегот.
Акцијата завршила успешно во 16:10 часот, по што повредениот странец е итно транспортиран кон главниот град.
„По укажаната прва помош на терен, лицето со амбулантно возило е пренесено во приватна болница во Скопје за понатамошно лекување“, потврди портпаролот на СВР Тетово, Фатмир Реџепи.