Денеска нè очекува облачно време со повремени врнежи од дожд, кои ќе бидат поинтензивни во југоисточните делови на земјата. Според УХМР, во овие региони се очекува да наврнат над 15 литри дожд на метар квадратен.
Поради продор на постудена воздушна маса, во текот на денот дождот ќе преминува во снег на планините, но и на некои од повисоките места. Температурите ќе се движат од минимални 0 до максимални 11 степени. Во котлините се очекува појава на магла, а ќе дува слаб до умерен југоисточен ветер.
Во Скопје времето ќе биде слично – облачно со дожд и температура до 8 степени.