Македонија се разбуди во длабок „минус“. Според мерењата на УХМР во 7 часот наутро, најстудено беше на Попова Шапка со -12 степени, додека во Берово се измерени -10 степени. Ниските температури не го заобиколија ниту Скопје, каде кај Петровец се регистрирани -7 степени.
Минимални температури измерени низ градовите:
- -12°C Попова Шапка
- -10°C Берово
- -9°C Крива Паланка
- -7°C Скопје-Петровец, Куманово и Маврови Анови
- -4°C Штип, Прилеп и Скопје-Зајчев Рид
- -2°C Битола, Охрид и Тетово
Освен студот, регистрирана е и снежна покривка, која на Попова Шапка изнесува 24 сантиметри. Во текот на денот се очекува сончево време со умерена облачност и максимални температури до 6 степени. Во Скопје дневниот максимум ќе изнесува 4 степени.

