Кумановската полиција вчера попладне лиши од слобода 16-годишен тинејџер поради сомнение за сериозна злоупотреба на социјалните мрежи и нарушување на приватноста.
Според информациите од СВР Куманово, апсењето се случило во 15:20 часот, откако претходно била поднесена пријава против него. Тој се товари дека креирал монтирани фотографии со експлицитна содржина на кои била прикажана друга малолетничка, а потоа истите ги објавувал јавно на социјалните мрежи.
Малолетникот е задржан во полициска станица за расчистување на настанот. По целосно документирање на случајот, против него ќе биде поднесена соодветна законска пријава.