Вистинска среќа е што нема жртви на патиштата во пресрет на Новата година, со оглед на состојбата во која биле фатени неколку возачи во изминатите 24 часа. Полицијата лишила од слобода осум лица во повеќе градови, а најшокантниот случај доаѓа од Виничко.
Еве го билансот на МВР за 30 и 31 декември:
- Делчево: Уапсен 36-годишник со „фиат пунто“ – измерен му е алкохол од 2,36 промили.
- Битола: Два случаи во иста ноќ. Едниот возач (54) возел „шкода“ со 2,05 промили, а другиот (33) со „голф“ имал 1,61 промил.
- Кичево: Утринава во 04:00 часот уапсен е возач на „голф“ со 1,75 промили.
- Виничко: Рекордерот на денот со 3,04 промили.
Сите возачи се задржани во полициски станици до истребнување и против нив ќе бидат поднесени кривични пријави. Полицијата апелира вечерва да не се управува возило под дејство на алкохол.