Портпаролката на руското Министерство за надворешни работи, Марија Захарова, го обвини украинскиот претседател Володимир Зеленски за лажење, откако тој негираше напад со беспилотни летала врз резиденцијата на рускиот претседател Владимир Путин.

„Украинскиот претседател Володимир Зеленски лаже, режимот во Киев ќе биде одговорен за своите злосторства“, изјави Захарова, додавајќи дека изјавите на Зеленски за Буча, киднапирани деца и наводната неподготвеност на Русија за преговори се лаги. „Но, зборовите на Лавров се вистинити“, нагласи таа на својот Телеграм канал, цитирајќи медиумски извештаи.

Претходно денес, рускиот министер за надворешни работи Сергеј Лавров тврдел дека ноќта помеѓу неделата и понеделникот Киев извршил терористички напад врз резиденцијата на Путин во Новгородската област, користејќи 91 беспилотно летало. Лавров рече дека „Русија ги утврдила целите за одмазднички напади, како и времето на нивното спроведување“.

По овие тврдења, Зеленски се огласи и го негираше нападот врз претседателската резиденција.