По неколкучасовниот прекин поради протестите на грчките земјоделци, граничните премини кон Грција се повторно во функција.
Според најновите информации од АМСМ, од 15:00 часот денеска, граничните премини Евзони (Богородица) и Ники (Меџитлија) се целосно пуштени за сообраќај за сите видови возила.
Патниците и превозниците кои беа заглавени во меѓуграничниот простор веќе можат слободно да ги поминуваат границите во двата правци. Сепак, се потсетуваат возачите да бидат внимателни поради најавените вечерни блокади (од 17:00 часот по македонско време), доколку земјоделците останат на претходно најавениот план.