Тешка сообраќајна несреќа на автопатот Белград-Ниш однесе два човечки животи. Маж и жена, македонски државјани, загинале на лице место, додека трето лице е пренесено во болница со тешки телесни повреди.
Трагедијата се случила кога автомобилот со германски регистарски ознаки, во кој се превезувале патниците, од засега неутврдени причини изгубил контрола.
Според пишувањата на српските медиуми, станува збор за македонски државјани од албанска етничка припадност.
Возилото при голема брзина удрило во еден од сообраќајните знаци, а потоа и во заштитната ограда (банкината). Од силината на ударот, мажот и жената им подлегнале на повредите веднаш по несреќата, пред да може да им биде укажана лекарска помош.