Доктор Ненад Лазаров излезе со позитивен став за проектот „Сејф Сити“ кој пробно се реализира во Скопје, а има за цел поголема безбедност во сообраќајот.
Според него и многубројните сведоштва на граѓаните, сообраќајот во градот веќе втора недела е „забавен“, а првичните статистики покажуваат драстично намалување на бројот на сообраќајни несреќи.
Тој поентира дека само еден живот или тешки последици да спаси „Сејф Сити“ е успех, затоа што животот нема цена.
– Последиците по пешак инволвиран во сообраќајна несреќа се драстично поголеми кај брзини од 40км/час додека над 50 е веќе драматично. Сакам на ова да ви посочам, а истовремено да ве пофалам сите, БРАВО, сообраќајот во Скопје е непрепознатлив на подобро, а ваква промена во мои 40 години во градов немало ни приближно.Се согласувам дека треба техничка толеранција од 1-2-3 км на час, но тоа се детали веќе, вели популарниот доктор.