Министерот за внатрешни работи, Панче Тошковски, денеска одговори на новинарско прашање во врска со гласините за можна реконструкција на Владата и негово преминување на друга позиција.
Тошковски индиректно ја отфрли можноста за напуштање на функцијата, нагласувајќи ја својата посветеност на тековните обврски.
„Почнав премногу темелни проекти во изминатата година кои ќе треба да ги завршам во наредната година,“ рече министерот.
Оваа изјава се толкува како намера на Тошковски да остане на чело на МВР со цел да ги финализира започнатите реформи и проекти, како што е системот „Безбеден град“ (Safe City).