Страшна трагедија го потресе италијанскиот град Мугиа, во близина на Трст. Деветгодишно момче животот го загуби на брутален начин, откако неговата мајка синоќа му го пресекла гркланот во семејниот дом.
Жената, со потекло од Украина, живеела одвоено од таткото на детето. Според италијанскиот „Ил Месаџеро“, семејството било под надзор на судските и социјалните служби поради претходни проблеми.
Злосторството било откриено кога таткото, кој не успеал да стапи во контакт со поранешната сопруга, забележал дека нешто не е во ред. Тој ја алармирал полицијата, која по влегувањето во станот во центарот на Мугиа го пронашла телото на детето. Лекарите само можеле да констатираат смрт.