Коалицијата ВЛЕН вечерва објави дека е втора политичка сила во државата, соопштувајќи „убедлива победа“ во сите општини каде што имаа кандидати во вториот круг.
Башким Бакиу, кој беше кандидат на Коалицијата за градоначалник на Град Скопје на завршната прес-конференција рече дека ВРЕДИ издвојува победа од над 5.000 гласови во ТЕтово, но и убедливи победи во Боговиње, Струга, Дебар и Долнени.
По објавувањето на овие резултати, Бакиу му порачаа на лидерот на ДУИ, Али Ахмети, да поднесе оставка, а неговата партија да се реформира, бидејќи „деструктивните политики на ДУИ повеќе не поминуваат“.
„Освоивме убедлива победа каде што имавме кандидати во вториот круг. Убедлива победа во Тетово со над 5.000 гласови разлика, Боговиње со 1.400 гласови разлика, победа во Дебар, Долнени, во Струга со над 1.500 гласа разлика. Граѓаните зборуваа јасно – деструктивните политики на ДУИ повеќе не поминуваат. Време е Али Ахмети да поднесе оставка, а ДУИ да се реформира. За Албанците во Северна Македонија доаѓа светла иднина“, рекоа од ВЛЕН.