Одѕивот на вториот круг од локалните избори до 9 часот е 2,88 отсто.
– Гласачките места се навреме и уредно отворени, гласањето тече во најдобар ред. Постапката се одвива уредно, немаме никаков проблем досега со изборниот материјал ниту со постапувањето на избирачките одбори, изјави претседателот на ДИК на прес-конференција.
На ниво на град Скопје за избор на градоначалник одѕивот е 2,46. По општини, до 9 часот најголема е излезеноста во Пробиштип 9,5, по што следуваат Лозово 8,36, Ранковце 8,12, Демир Капија 7,16, Дојран 6,78, Росоман 6,28, Зрновци 5,67, Брвеница 5,33, Чучер Сандево 5,32, Македонска Каменица 5,01, Македонски Брод 4,97, Дебарца 4,63, Неготино 4,52, Валандово 4,46, Могила 4,39, Долнени 3,87, Кочани 3,13, Тетово 2,51, Студеничани 2,26, Куманово 2,13, Боговиње 1,83, Дебар 1,45 отсто.
Во скопските општини излезеноста во Кисела Вода изнесува 3,54, Карпош 3,08, Аеродром 2,78, Центар 2,84, Бутел 2,50 , Ѓорче Петров 2,42, Гази Баба 2,26, Шуто Оризари 1,6, Чаир 1,1 и Сарај 0,72 отсто.