Управител на фирма доби кривична пријава поради сомниение за сторено кривично дело „тешки дела против општата сигурност“, односно за непочитување на Правилникот за минимални барања за безбедност и здравје при работа.
Како што се наведува во полицискиот билтен, СВР Куманово поднесе кривична пријава против А.Б.(48) од Скопје, управител на правно лице, поради постоење основи на сомнение за сторено кривично дело „тешки дела против општата сигурност“.
На 14.12.2024, пријавениот постапил спротивно на Правилникот за минимални барања за безбедност и здравје при работа, на тој начин што на објект во изградба во село Липково, поради непоставена парапетна заштита на надворешно и внатрешно монтажно скеле, дошло до пукање на конструкцијата, при што двајца работници се здобиле со повреди.