Во главниот град на Малезија, Куала Лумпур денес делегации од Кина и САД се сретаа за да дискутираат за економски и трговски теми.
Состанокот доаѓа по нарушени трговски односи меѓу двете земји, оптоварени со меѓусебни зголемени царини и намалувања на извозот.
Според изјавата на портпаролот на кинеското Министерство за трговија, двете страни ќе разговараат за клучните проблеми поврзани со економските и трговските врски, „во согласност со важниот консензус постигнат од шефовите на државите на двете земји за време на нивните телефонски разговори оваа година“.
Кинеската делегација е предводена од кинескиот вицепремиер Хе Лифен, кој исто така е член на Политичкото биро на Централниот комитет на Комунистичката партија на Кина.
Американските медиуми пренесуваат дека овие две водечки економски сили се обидуваат да стават крај на нивната трговска војна.