Општина Неготино е избрана за најдобра локална заедница во Средна и Југоисточна Европа за развој на претприемништвото, информираше денеска неготинскиот градоначалник Горан Стојанов.
Тој соопшти дека како како градоначалник на општина Неготино, од 15 до 18 овој месец присуствувал и зел активно учество на Меѓународниот економски форум „Перспективи“, што се одржал во Љубљана, Република Словенија, во организација на Светскиот конгрес на претприемачи.
– На настанот преку аудио-видео материјал ги презентирав условите и можностите што нашата општина ги нуди за развој на претприемништво. На овој реномиран настан од страна на Меѓународниот економски форум, на општина Неготино и беше доделена големата награда и признанието „Глобаллокал“ за најдобра локална заедница во 2024/2025 година, за креирање на добар амбиент за развој на претприемништвото на територијата на подрачјето на Средна и Југоисточна Европа, појасни Стојанов.
Тој сподели дека со посебна чест и гордост ја примил оваа награда и од името на граѓаните на општина Неготино, се заблагодарил за нејзиното добивање