Започна нова страница во извршувањето на санкциите, откако за првпат беше спроведена пресуда за куќен затвор со употреба на опрема за електронски надзор.
Овластени службеници од Секторот за пробација во Чашка, Велешко, на осудено лице му поставија алка на глуждот, со која ќе се следи неговото движење
Според условите на пресудата, осуденикот нема да смее да го напушта својот дом во наредните три месеци. Единствен исклучок е правото на престој на свеж воздух, кое е ограничено на најмногу два часа дневно. Од надлежните служби појаснуваат дека системот функционира преку постојан мониторинг.
„Во случај на непочитување на упатствата за користење на опремата за електронски надзор и ограничувањата дадени од судот, пробациските службеници ќе го известат судот, согласно одредбите од Законот за пробација“, се вели во соопштението.
Примената на оваа алтернативна мерка се смета за поекономична за државата во споредба со затворското издржување на казната. Во конкретниот случај, имајќи ја предвид возраста на сторителот, таа воедно претставува и похуман начин на извршување на санкцијата.
Актуелно
- МВР: Имаме најголема доверба меѓу граѓаните за справување со корупцијата
- Трагедија на естрадата: Загина Самир Хоџиќ, долгогодишниот хармоникаш на Ханка Палдум
- Украл паричник од куќа во Кочани, па со соучесници „испразниле“ 90.000 денари од банкомат
- Скопјанец претепан на Средно Водно
- Мицкоски: Градиме енергетски суверенитет – 97 милиони евра за модерна и чиста македонска енергија
- Николоски на терен: На автопатот Охрид-Кичево се градат галерии какви што нема во регионот
- Апсење на Ќафасан: Албански државјанин се обидел да потплати полицаец
- Мортус пијан радовишанец направил сообраќајка: Со над 2 промили алкохол и со нерегистрирана „корса“ се забил во паркиран автомобил
