Четиригодишниот Аврам Јосиф Лауренциу, кој боледувал од аутизам и вчера исчезна од својот дом во Дофтеани, во округот Бакау во Романија, денес беше пронајден мртов во реката Тротус.
Алармот за исчезнувањето бил кренат во четврток попладне кога семејството забележало дека детето го нема. Безбедносните камери го снимиле како босо и само трча по улицата во непознат правец.
Во обемната потрага учествувале околу 250 луѓе, полицајци, пожарникари и волонтери. Во текот на ноќта биле користени термовизиска камера и хеликоптер од МВР.
„Пред неколку минути, екипите за пребарување пронајдоа малолетно лице, за жал мртво, во коритото на реката Тротус“, соопшти полицијата.
Полицијата отвори кривична постапка за кривично дело одземање живот, а телото е пренесено на обдукција. Општината изрази длабоко сочувство до семејството.
„Ужасни вести за нашата заедница… За жал, четиригодишно момче, кое исчезна вчера од селото Дофтеана, беше пронајдено мртво во реката Тротуш. Од вчера до денес, полицајци, пожарникари, волонтери и луѓе од заедницата се мобилизираа и учествуваа во потрагата без престан, со надеж дека малото момче ќе биде пронајдено живо. За жал, денес добивме вести што никој не ги посакуваше. Во овие болни моменти, ние сме со семејството кое помина низ тежок период. Нема зборови за таква загуба. Нека Бог му даде вечен мир, а на семејството сила да го надмине ова ужасно искушение“, изјавија претставници на општина Дофтеана.