25.700 граѓани излегле на гласање до 9 часот

Првиот човек на Државната изборна комисија, Александар Даштевски ифнормираше дека до 9 часот изутрината правото на глас го искористиле 25.744 гласачи.

Излезноста до овој пресек изнесува 3,85%.

Даштевски рече и дека до сега до нив стигнале 12 приговори за заштита на личното избирачко право, односно од лица кои не можеле да се пронајдат во избирачкиот список.

-Доставени се 12 приговори за заштита на личното избирачко право кои се на обработка, вели Даштевски.

Наредната прес – конференција ќе биде во 13.30 часот кога ќе информираат за текот на гласањето и излезноста.