Значителен раст на платите во септември: Просечната нето-плата достигна 41.585 денари
Нето платата во септември е зголемена за 9,8 проценти во споредба со истиот период лани, соопшти денеска Државниот завод за статистика.
Според статистичките податоци, во септември просечната исплатена нето-плата по вработен изнесувала 41 585 денари.
Зголемувањето се должи пред сѐ на зголемувањето на просечната месечна исплатена нето-плата по вработен во секторите административни и помошни услужни дејности каде има зголемување за 12,6 проценти, во преработувачка индустрија, како и во секторот уметност, забава и рекреација.
Во однос на август годинава, зголемување во септември е забележано во секторите рударство и вадење на камен, административни и помошни услужни дејности и преработувачка индустрија.
Просечната бруто-плата по вработен во септември изнесувала 62 573 денари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
