Трошоците за живот во Македонија продолжуваат незапирливо да растат. Сојузот на синдикатите на Македонија (ССМ) денеска објави дека синдикалната минимална кошница за март 2026 година изнесува рекордни 67.818 денари.
Според официјалните пресметки, ова е за 436 денари повеќе во споредба со февруари, што само го потврдува трендот на поскапување на основните потреби. Ситуацијата е уште поалармантна за семејствата кои живеат под кирија.
„За четиричелно семејство кое живее во изнајмен стан од 60 квадратни метри, основните трошоци за март изнесуваат вртоглави 83.193 денари“, посочуваат од ССМ.