Земјотрес од 6,7 степени го погоди Авганистан
Земјотрес со јачина од 6,7 степени според Рихтеровата скала денеска го погоди Авганистан.
Земјотресот се случил во регионот Хиндукуш на длабочина од 186 километри, а освен во Авганистан бил почувствуван и во неколку околни земји.
Граѓаните на Пакистан, Киргистан, Туркменистан, Узбекистан и Индија известуваат дека го почувствувале земјотресот.
Засега нема детални информации за жртви или штети.
Корисниците на EMSC ширум регионот известуваат дека земјотресот бил силно почувствуван. На снимката се гледа како граѓаните на индиската престолнина Њу Делхи, која е оддалечена стотици километри од епицентарот на земјотресот, излегуваат на улиците по земјотресот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
