Дрон се урна на околу 100 метри од селото Цилија Века, спроти украинска територија
Романија ги крена борбените авиони за да ја следи ситуацијата за време на нападот
Украинската воздушна одбрана собори дрон рано утрово во близина на романската граница за време на рускиот напад врз пристанишната инфраструктура на Дунав, објави романското Министерство за одбрана.
Според министерството, леталото било соборено на околу 100 метри од селото Цилија Века, спроти украинска територија, објави Ројтерс.
Романија ги крена борбените авиони за да го следи нападот.
Земјата, која е членка и на Европската Унија и на НАТО, дели копнена граница од 650 километри со Украина.
Романските власти издадоа предупредувања
Жителите во округот Тулча добија три пораки Ro-Alert во петок наутро во врска со ризикот од паѓање предмети од воздушниот простор. Вкупно, во изминатите 48 часа, властите издадоа шест вакви предупредувања за областа на романско-украинската граница.
Вкупно шест вакви пораки се издадени од среда вечерта.
Властите им советуваа на граѓаните да останат во затворен простор и да се засолнат во подруми или засолништа за цивилна заштита.
Не е прв инцидент
Од почетокот на руските напади врз украинските пристаништа на Дунав, имаше неколку нарушувања на романскиот воздушен простор, при што делови од соборени дронови паднаа на нејзина територија, потсетува Ројтерс.
Министерството за одбрана соопшти дека романските борбени авиони биле исто така полетале вчера кога дрон влегол во воздушниот простор на земјата за време на напад врз украинската инфраструктура во близина на границата.
Уште еден дрон бил забележан претходно оваа недела.
Романија има законска можност да соборува дронови во мирно време ако се загрозени животи или имот, но досега не ја спроведела оваа мерка.