Дупка длабока 50 метри се отвори утрово пред болницата Ваџира во центарот на Бангкок, а автомобили и електрични столбови се урнаа при уривањето.
Појавата на кратерот во земјата, кој е поврзан со изградбата на блиската метро станица, беше придружена со пукање на цевки од кои излегуваа млазови вода, додека паднати електрични столбови и кабли исфрлаа електрични искри, објавува Ројтерс.
Пациентите и жителите на блиските станови беа евакуирани кога дупката, широка околу 30 квадратни метри и длабока 50 метри, се појави пред јавната болница. Болницата објави дека нема да прима пациенти до понатамошно известување.
Возачот на овој автомобил имал среќа кога неговото возило било оставено на работ на кратерот
Возачот на овој автомобил имал среќа кога неговото возило било оставено на работ на кратерот
Гувернерот на Бангкок, Чачарт Ситипунт, изјавил дека пукнала цевка, при што се исечени и водоводните и електричните кабли.
„Болницата е во ред, но сме загрижени за полициската станица, таму сè уште е опасно и луѓето се евакуирани“, изјавил Ситипунт.
Властите изјавиле дека го спречиле понатамошното проширување на дупката и дека внимателно го следат местото.