Околу 36 ракети и речиси 600 дронови биле лансирани од руските сили за време на масовниот напад врз Украина во текот на изминатата ноќ и утрово.
Информацијата ја соопшти украинскиот претседател Володимир Зеленски, потврдувајќи дека во нападите има и човечки жртви.
„Главните цели на нападот беа енергетски и цивилни објекти, а голема штета беше предизвикана и од пожарите во станбените згради. Засега е познато дека десетици луѓе се повредени, а тројца се убиени“, рече Зеленски.
Тој нагласи дека е клучно да се обезбеди доволен број ракети за системите за воздушна одбрана, со цел да се заштити Украина, но и да се изврши притисок врз Русија.