Од УХМР за денеска најавија невреме во Македонија, а според последните информации, дождот, ветрот и грмежите веќе започнале во Кочани.
-Според радарската слика јак пороен дожд, грмежи и засилен ветер има во околината на Кочани, информираа предмалку од УХМР.
Времето денеска ќе биде променливо облачно со сончеви периоди. Попладне на повеќе места ќе биде нестабилно со пороен дожд, грмежи и засилен ветер. Локално процесите ќе бидат поинтензивни, со можност за невреме, пообилен пороен дожд, силен ветер над 60 километри на час и изолирана појава на град. Минималната температура ќе биде од 9 до 18 степени, а максималната од 23 до 32 степени.
Во Скопје ќе има променливо облачно време со сончеви периоди. Попладне се очекува нестабилност со пороен дожд, грмежи, засилен ветер и услови за краткотрајно невреме. Минималната температура ќе се спушти до 15, а максималната ќе достигне до 30 степени.
Според УХМР, утре и во сабота времето ќе биде стабилно и посвежо. Од недела температурите повторно ќе бидат во пораст, а во попладневните часови повторно ќе има локална нестабилност со дожд, грмежи и засилен ветер.