За Ковачевски, членство во ЕУ до 2030 е амбициозна, но достижна цел

Лидерите на политичките партии на денешната средба му дале поддршка на премиерот Димитар Ковачевски за европскиот пат.

На средбата тој ги известил дека и од САД добил јасна, силна и недвосмислена поддршка, каква што земјата добива од независноста.

„Евро-атлантската интеграција на Македонија, нејзиниот демократски развој, но безбедноста и стабилноста, се особено важни за нашите стратешки партнери – САД. На денешната средба со нашите коалициски партнери се сложивме дека наша заедничка цел е земјата да оди напред, да се движи со демократскиот и прогресивниот свет. Нашата цел е полноправно членство во ЕУ до 2030 година, што е амбициозна, но достижна цел, и во оваа цел нè поддржуваат нашите стратешки партнери“, рече премиерот Ковачевски.

За ВМРО-ДПМНЕ, која ја блокира земјата на европскиот пат, премиерот Ковачевски, вели дека ќе мора да одлучи дали ќе се приклучи на проевропскиот блок или ќе остане во заложништво на Левицата.