За еден ден сообраќајната полиција казни над 200 скопјани

Министерството за внатрешни работи во текот на вчерашниот ден во акциски контроли во областа на сообраќајот на територијата на град Скопје изрече вкупно 212 санкции, меѓу кои и 51 за возење со брзина поголема од дозволената и 13 за возење без возачка дозвола.

Како што информира МВР, изречени се и 36 санкции за прекршоци што го чинат возачите на мотоцикли, девет за користење мобилен телефон, пет за возење под дејство на алкохол, пет за непрописно престројување и 60 казни за непрописно паркирање.

– Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, се додава во соопштението на МВР.