Македонија денес и утре ќе биде под влијание на променливо облачно време со повремени сончеви периоди. Според синоптичарите, во текот на денешниот ден постојат услови за локални послаби врнежи од дожд и снег во пониските предели, додека на повисоките места и на планините се очекуваат слаби врнежи од снег.
Утринските температури денеска на повеќе места низ земјава се спуштија неколку степени под нулата. Дневниот максимум ќе се движи во интервал од 3 до 11 степени.
Во Скопје и околината времето ќе биде променливо облачно. Денешната температура во главниот град ќе достигне до 6 степени, додека утре се очекува пораст до 10 степени, проследен со засилен ветер од југоисточен правец.