Денеска во земјава ќе преовладува облачно време со повремени локални врнежи од дожд, при што се очекуваат пообилни врнежи во југоисточните делови.
Според најавите, локално на југоисток количината на наврнат воден талог може да надмине 30 литри на метар квадратен за 24 часа. Ќе дува слаб до умерен ветер од југоисточен правец.
Минималните температури ќе се движат во интервал од 4 до 8 степени, а максималните дневни температури ќе достигнат од 8 до 13 степени.
Во главниот град ќе биде облачно со повремен дожд и слаб до умерен јужен ветер. Минималната температура ќе биде околу 6, а максималната ќе достигне до 11 степени.
Во наредните денови, до сабота, времето ќе остане претежно облачно и релативно топло за овој период од годината, со повремени локални врнежи од дожд. Пообилни врнежи, локално над 30 l/m² за 24 часа, се очекуваат во западните и јужните делови од државата. Од недела се најавува стабилизирање на временската состојба.