Дарко Митровиќ (24) е најсреќниот меѓу 160-те верници кои денеска скокнаа во студените води на реката Вардар во центарот на Скопје. На големиот празник Богојавление – Водици, тој успеа прв да стигне до чесниот крст кој беше положен кај мостот „Слобода“.
Чинот на осветување на водите и положувањето на крстот го изврши поглаварот на МПЦ-ОА, г.г. Стефан, во присуство на илјадници граѓани кои го исполнија кејот на Вардар.
Дарко, кој го следи благословот за оваа година, беше поздравен со громогласен аплауз од присутните, продолжувајќи ја вековната традиција на скопското одбележување на празникот.