Православните верници на 19 декември го слават Свети Никола, празник кој претставува најчеста семејна слава меѓу македонските семејства.
Според традицијата, на овој ден постои јасно верување за тоа што е забрането да се работи: не се работат никакви домашни работи, не треба да се чисти, усисува, пере.
Свети Никола е познат како заштитник на сиромашните, болните и морнарите. Низ целиот свој живот, тој ги подучувал луѓето, лекувал и им помагал на сиромасите.
Многумина не знаат дека токму Свети Никола станал заштитник на морнарите поради тоа што „својот имот го користел за откуп на заробениците“.
Обичаи поврзани со долгови и дарување
Едно од главните верувања поврзани со празникот е дека на тој ден никој не треба да се потсетува на долг, ниту дополнително да му се отежнува положбата на должникот.
На овој ден е обичај да се носат подароци за оние кои го слават Свети Никола. Од друга страна, во некои места во земјава, и домаќините кои го слават празникот, според обичаите, не треба своите гости да ги пуштат со празни раце, туку мора да им дадат дарови пред да си одат дома.