Во Албанија пристигна првата група на Авганистанци- меѓу нив и 11 бебиња
Првата група Авганистанци, 121 од нив, пристигнаа во Албанија рано утрово, а на аеродромот беа пречекани од албанската министерка за надворешни работи, Олта Џачка, како и американскиот амбасадор во Тирана, Јури Ким.
Меѓу пристигнатите Авганистанци има 11 бебиња, пренесуваат албанските портали.
Според извештаите, тие пристигнале во три часот по полноќ, а станува збор за авганистански државјани кои работеле за американската мисија во таа земја.
Тие прво ќе бидат прегледани од лекари од Институтот за јавно здравје, а потоа ќе бидат префрлени во Драч, Тирана и други градови во Албанија.
Се наведува дека тие ќе останат во Албанија додека не добијат виза за САД.
Макфакс
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа