Автомото сојузот на Македонија (АМСМ) предупредува на намалена видливост поради појава на магла на патниот правец Неготино-Демир Капија, каде видливоста е ограничена до 100 метри.
Истовремено, на скопската обиколница (дел од патот А2) се изведуваат градежни работи за рехабилитација на потегот од клучка Волково до клучка Кондово. Поради ова, затворена е левата лента за претекнување во должина од 250 метри, а сообраќајот се пренасочува по средната и помошната лента за запирање.
Интензитетот на сообраќај надвор од градовите е умерен, а на граничните премини утрово нема подолги задржувања за влез или излез од државата.
АМСМ апелира до возачите за прилагодена брзина и особено внимание низ клисурите поради можна појава на одрони. Ова особено се однесува на правците Катланово – Велес, Маврово – Дебар – Струга, Виница – Берово и Кочани – Делчево.