ВМРО-ДПМНЕ:Граѓаните секој ден се посиромашни, Заев се фали дека блескаме, а 55.000 луѓе останаа на улица
Зоран Заев го злоупотребува буџетот за поткуп, наместо за помош на граѓаните и стопанството. Таканаречениот пакет на антикризни мерки заврши за купување гласови. Доказ дека мерките немаа реален ефект се 55.000 работници на улица, реагираат од ВМРО-ДПМНЕ.
-Заев се фали дека блескаме, а народот нема ниту за леб. Во времето на Заев во последната година, се случи втората најмасовна катастрофа во економијата, по транзицијата. 1.5 милијарди евра е зголемен јавниот долг, а економијата тоне. Граѓаните секој ден се се посиромашни. Половина милион граѓани живеат со по 2 евра на ден. Народот буквално неа за леб, а Заев се фали со некакви 1.2 милијарди евра помош која е исплатена, велат од партијата.
Од ВМРО-ДПМНЕ додаваат:
„Помошта на Заев е лага. Доказ за тоа се и тутунарите, кои не можат да измолат за откуп на нивниот тутун, и десетици илјади семејства кои ќе останат гладни.
Доколку Заев навистина исплатил 1.2 милијарди евра помош, немаше да имаме катастрофа на секој чекор“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа