ВМРО-ДПМНЕ тврди: 10 пратеници од СДС и ДУИ нема да гласаат за уставни измени

Ковачевски и Груби се во паника, пратеници од СДС и ДУИ не се за уставни измени, ова денеска преку соопштение до јавноста го истакнуваат од ВМРО-ДПМНЕ.

-Ковачевски молчи и не кажува дали тројца пратеници од првата и втората изборна единица му кажале дека ако е се на маса овие уставни измени тие нема да гласаат. Ковачевски молчи и дали 6-мина пратеници од внатрешноста на му рекле дека уставните измени, се најлошото нешто што може оваа влада да го направи. Ковачевски има проблем со 9 негови пратеници, кои се против лошите политики кои ги води тој на штета на државата. И во СДС има луѓе кои знаат како и во која насока треба да оди државата, но тие се потиснати од Ковачевски и луѓето околу него. Покрај пратениците на СДС, и еден пратеник од ДУИ е под прашалник. Груби молчи и не кажува дали еден пратеник од неговата партија побарал пари за да гласа?, прашуваат од партијата.

Од таму додаваат дека Ковачевски и Груби се во паника, затоа беа сите егзибиции во изминатиов со владино мнозинство. И Ковачевски и Груби знаат дека Уставни измени нема да има, само сакаат да владеат уште некој месец повеќе, за некоја зделка и матен тендер плус.

-Ковачевски и Груби не се за ЕУ, тие се за себе, за личен бенефит. Народот ќе ги порази таквите политики, врз база на национални отстапки да се прави криминал со надеж дека ќе помине неказнето, велат од партијата.

24.03.2023 - 08:57

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега