Историски најниска доверба од граѓаните за СДС и Венко Филипче. Лошата комуникациска стратегија, небулозните соопштенија и прес-конференции полни со клевети, навреди и непристоен речник доведоа до пад на рејтингот на партијата и министерот на 4,9% односно 3,6%. Сепак, Венко Филипче не покажува загриженост за својот и за рејтингот на СДС, кој континуирано опаѓа од анкета до анкета. Посебно негативно се оценува менаџментот на новиот партиски ПР-шеф, Башановиќ, чија комуникација, според критичарите, не ги достигна очекувањата и целосно потфрли, додека Филипче продолжува да функционира во свој „паралелен универзум“, ова го велат од ВМРО-ДПМНЕ во соопштение испратено за јавноста.
Со месеци ги слушавме СДС и Филипче како, по којзнае кој пат, ги лажеа граѓаните како новите анкети ќе покажат дека поддршката на ВМРО-ДПМНЕ од граѓаните паѓа, додека, пак, кон СДС се зголемувала.
И тоа со месеци го повторуваа на лажните прес-конференции и по јавните настапи.
Но, последното истражување на јавното мислење откри уште една лага на СДС, со што повеќе од јасно е дека на следните избори оваа партија на чело со Филипче, ќе се соочи со многу лош резултат, од оној од последните изборни циклуси.
Тоа значи, дека нема да биде изненадување за никој доколку СДС на следните избори освојат и помалку од 100.000 гласови. Тоа го покажуваат и резултатите од последната анкета.
Тоа што е позагрижувачки, е што на Бихаќка никако да им дојде памет дека треба да ги променат политиките и да ги променат новите ПР шефови Башановиќ и Шчекиќ, луѓе кои по насока на Заев се таму и го уништуваат СДС.
А, тој што свесно го дозволува уништувањето на СДС, е токму Венко Филипче кој тоа го прави по насока и целосна послушност кон Зоран Заев.
Послушноста на Филипче кон Заев се гледа и по што негови луѓе се дел од таканаречените нови партиски структури, меѓу кои е и Стојан Коциров кој до пред само некоја година како директор ја водеше фирмата блиска до семејството Заеви, поточно Вице Заев, Сара Инженеринг ДОО Струмица.
Се поизвесно е дека СДС ќе продолжи да тоне со ова раководство предводено од Венко Филипче, кое нема намера ниту да спроведе внатрепартиска кадровска реформа, ниту, пак, да се огради од Зоран Заев.
Партија со највисока доверба кај граѓаните од 24% и понатаму продолжува да биде ВМРО-ДПМНЕ, што е резултат на досегашната работа, реализирани проекти и исполнети ветувања.
Граѓаните добро знаат да направат разлика и токму затоа, продолжуваме со исто темпо на работа, нови проекти и успешни мерки за сите граѓани.