Венко Филипче не може да се позиционира како опозициски коректив кога лично учествувал во систем што дозволувал пропусти како скандалот со стоковите резерви, реагираат од ВМРО-ДПМНЕ.
Владејачката партија смета дека разобличувањето на скандалите од времето на СДСМ е показател за структурниот хаос и распаднатите институции кои функционирале без механизми за одговорност.
Од ВМРО-ДПМНЕ порачуваат дека доколку СДСМ сака да стане релевантен политички субјект, мора да се дистанцира од компромитираните кадри.
„Ако СДС има намера да се реформира и да стане релевантен политички субјект во земјава, мора да покаже зрелост и да се огради од сите функционери на минатата власт. Тоа подразбира дистанца од Заев, Николовски, а и од Филипче, бидејќи тоа се фигури кои го спречуваат секој обид за вистински реформи во партијата“, велат од ВМРО-ДПМНЕ.