ВМРО-ДПМНЕ: Поради СДСМ и Царовска 12% од учениците не се вклучени во образовниот процес
Поради неспобноста на владата на СДСМ и министерството за образование и наука предводено од Мила Царовска 12% од учениците не можат ја следат наставата и не се вклучени во образовниот процес, велат во реакција ВМРО-ДПМНЕ.
Од партијата реагираат и велат дека на нивната неспобност говори и фактот што учебната година започна еден месец покасно од вообичаеното, односно наместо во септември училишната година започна во октомври.
„На СДСМ и Царовска не им е грижа што над 40.000 ученици немаат ИТ уред за да го следат образовниот процес.
Се уште одреден број училишта немаат доволен број компјутери за наставниците. Интернетот се уште е слаб и се освестија во октомври да купуваат интернет наместо во август.
Децата со попреченост за кои Царовска очигледно декларативно била заангажирана како министер за труд и социјална политика, како министер за образование ги заборави.
Граѓаните секојдневно се сведоци за новите случаи на КОВИД-19 каде бројката од ден на ден училиштата секојдневно расте, а владата и Царовска без никаков срам се фалат за успешноста на наставниот процес.
За ваквото неодговорно работење следи одговорност од СДСМ и Царовска.“ стои во реакцијата на ВМРО-ДПМНЕ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа