Филипче нема кредибилитет да држи лекции за јавното здравје бидејќи тој знаел и молчел додека граѓаните на Гостивар со години пиеле загадена вода, наведува ВМРО-ДПМНЕ во соопштение.
-Политичкиот талог создаден со години корупција, криминал, клиентелизам и предавнички политики од кој произлезе и Филипче денес е најгласен и се обидува да се претстави како морален авторитет. Филипче нема кредибилитет да држи лекции за јавното здравје бидејќи тој знаел и молчел додека граѓаните на Гостивар со години пиеле загадена вода. Со години Филипче и власта предводена од СДС добивала извештаи од државните институции за тоа дека водата во Гостивар не е за пиење, а тие тоа го криеле и не преземале ниту една мерка за справување со проблемот, велат од власта.
Додаваат дека проблемот со водата во Гостивар е стар и е одлика на децениската негрижа на локалната власт.
-Филипче со компромитираните кадри околу него нема кредибилитет да морализира за случајот во Гостивар, каде Филипче даваше огромна поддршка и мобилизираше луѓе за Валбон Лимани кој изјави дека не чувствува никава морална одговорност за скандалот со водата. Кадрите на Филипче, ДУИ и Таравари во Гостивар беа неспособни да се справат со ситуацијата па затоа Владата предводена од ВМРО-ДПМНЕ во рекорден рок обезбеди техничка вода за користење и секојдневно грѓаните на Гостивар добиваат флаширана вода за пиење. ЈО да го истражи случајот зошто Филипче и власта на СДС дозволувале гостиварци да се трујат со години, велат тие.