Сообраќајот на државните патишта утрово се одвива во зимски услови, по претежно влажни коловози, но сите патни правци се проодни. Од ЈП „Македонијапат“ предупредуваат на зголемена внимателност на патните правци кои минуваат низ усеци и клисури поради можна појава на поситни одрони. Апелираат на внимателно управување со возилата и прилагодување на брзината спрема условите на патот.
Во однос на граничните премини кон Грција, состојбата е променлива. Од АМСМ информираат дека граничниот премин Евзони (Богородица) е отворен за секаков вид сообраќај од синоќа во 23:10 часот. На граничниот премин Ники (Меџитлија), пак, на сила е забрана за движење на товарни возила која ќе трае до денеска до 10:00 часот, додека патничките возила поминуваат непречено.