Струга останува еден од главните приоритети на Владата во годините што доаѓаат, потврди денеска премиерот Христијан Мицкоски при посетата на општината. Тој му се заблагодари на градоначалникот за успешното менаџирање и на пратениците од овој крај кои се борат за „проект повеќе“ во Струга и регионот.
Се реализираат зафати кои биле ветувани со години, а останале само на хартија.
Координацијата меѓу Владата, локалната администрација и пратениците е клучна за операционализација на ветеното.
Струга и охридскиот регион се препознаени како стратешки приоритет за идни инвестиции.
„Даваме збор дека ќе сториме сè што е во наша моќ да го испорачаме ветеното, па и повеќе од тоа. Им благодарам на граѓаните на Струга за трпението и за вербата дека оваа Влада може да направи вистинска промена за нивните семејства“, порача Мицкоски.