Владата ја соопшти причината за разрешување на Пауновски

Владата на денешната седница одлучила да го разреши директорот на Државниот пазарен инспекторат, Стојко Пауновски.

Причината за неговото разрешување од Владата велат дека е „непрофесионално однесување“.

– Согласно член 10, став 1 од Законот за Државен пазарен инспекторат (ДПИ) според кој Владата го именува и разрешува директорот на ДПИ, на денешната седница Владата го разреши Стојко Пауновски од функцијата директор на ДПИ, поради неговото непрофесионално однесување. Оваа консензуално донесена одлука е според Кодексот за етичко однесување за членовите на Владата и носителите на јавни функции именувани од страна на владата и според законот за Државен пазарен инспекторат – велат од Владата.