Close Menu

    (ВИДЕО) Застрашувачки снимки од Дубаи: Иранска ракета соборена над Марина, во тек е евакуација

    2 Mins Read

    Противвоздушната одбрана на ОАЕ успешно собори иранска балистичка ракета над популарната област Дубаи Марина, додека евакуациите започнаа од највисоката зграда во светот – Бурџ Калифа – како мерка на претпазливост.

    Според информациите што брзо се проширија на социјалните мрежи, воздушната одбрана реагираше брзо и прецизно. Снимките што циркулираат го покажуваат моментот кога иранската ракета е соборена над блескавите облакодери на Дубаи.

    Иран, според истите извори, лансирал балистички ракети кон сите земји од Персискиот Залив освен Оман, вклучувајќи директен напад врз базата на Петтата флота на САД во Бахреин. Американските претставници стравуваат дека иранските напади би можеле да траат со денови, или можеби недели, објавува Би-Би-Си.

    Ситуацијата во регионот е исклучително напната по американско-израелските напади врз Иран, а ОАЕ веќе потврдија дека нивните системи успешно пресретнале неколку ракети.

    Жителите во Дубаи и Абу Даби пријавуваат експлозии и активност на воздушната одбрана, додека на улиците владее чувство на вознемиреност. Иако нема потврдени жртви во Дубаи, извештаите од Абу Даби укажуваат на една жртва од шрапнели.

    Евакуацијата на Бурџ Калифа, симболот на Дубаи и највисоката зграда во светот, предизвика паника кај илјадници туристи и жители. Властите ги повикуваат граѓаните да останат смирени и да ги следат официјалните најави.