ВИДЕО: Во Србија пристигнаа уште 100.000 вакцини „спутник В“
Претседателот на Србија, Александар Вучиќ синоќа на аеродромот „Никола Тесла“ го пречека новиот контингент со руски вакцини „спутник В“. Уште 100.000 дози на руската вакцина „спутник В“ пристигнаа со авион на „Ер Србија“.
ДенесКА тие вакцини ќе бидат дистрибуирани до центрите за вакцинација во земјата.
Србија договори да и се испорачаат вкупно два милиони дози „спутник В“, а целата количина ќе биде испорачана до крајот на април.
Премиерката Ана Брнабиќ рече дека со оваа последна испорака, бројот на набавени вакцини ќе надмине два милиони дози. Таа најави дека денес ќе пристигнат уште 58.500 вакцини на „Фајзер“, а на 5 март 500.000 вакцини на кинеската компанија „Синофарм“.
Макфакс
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
