Тројца лица загинаа, а тројца се повредени при уривање на надвозник во Сеул, соопштија јужнокорејските власти.
Несреќата се случила за време на демонтажа на стариот надвозник „Сеосомун“, кога дел од конструкцијата и скелето ненадејно се урнале врз работниците кои вршеле безбедносна инспекција.
Според првичните информации, на местото имало девет лица, меѓу кои инженери, надзорници и раководители на градилиштето. Дел од работниците паднале од височина од околу шест метри и останале затрупани под урнатините.
😱 Horror in Seoul: part of an overpass suddenly collapsed during demolition work
— NEXTA (@nexta_tv) May 26, 2026
At least six people were injured, according to Yonhap. pic.twitter.com/TBevKw2MAn
Јужнокорејските медиуми објавија дека конструкцијата се срушила само неколку минути по почетокот на инспекцијата, откако претходно биле забележани проблеми со стабилноста на надвозникот.
Меѓу загинатите има раководител на градилиштето, инженер и главен надзорник, додека повредените се пренесени во болница.
Властите отворија истрага за причините за несреќата, а дел од сообраќајот во центарот на Сеул беше привремено блокиран.