ВИДЕО: Први снимки од местото на падот на воениот авион во Србија - еден пилот загина, по другиот се трага

Во околината на Лозница, во атарот на селото Брасина, утринава во околу 09:10 часот се срушил МИГ 21 на војската на Србија.

На местото на несреќата мештаните фотографирале остатоци од авионот и според првичните информации, еден пилот загинал, а по другиот, кој се капитулирал, се уште се трага.

Станува збор за авион стар дури 34 години. Потрагата по другиот пилот и увидов се во тек. Министерството по овој повод и официјално се огласило соопштувајќи дека авионот бил прегледан утрово во склад со сите процедури и дека после прегледот било констатирано дека е исправен и подготвен за лет.

На местото на падот се наоѓаат министерот за одбрана Александар Вулин, началникот на генералштабот генерал Милан Мојсиловиќ и командантот на военото воздухопловство и ПВО генерал-мајот Душко Жарковиќ.

Како што дознава Курир.рс повреден е и мештанин во чиј двор паднал авионот.